काठमाडौं । साताको तेस्रो कारोबार दिन सेयर बजारमा उछाल आएको छ । उक्त दिन बजार ६३.०१ अंकले वृद्धि भएको छ ।
मंगलबार बजार परिसुचक २६७९.९५ अंकको बिन्दुमा पुगेर बन्द भएको छ । २.४१ प्रतिशतले बजार बढेको उक्त दिन कारोबार रकममा भने केही गिरावट आएको छ ।
अघिल्लो दिन साढे ४ अर्ब बढीको कारोबार भएकोमा आज भने ४ अर्ब ३२ करोड २ लाख ६९ हजार रुपैयाँ बराबरको सेयर खरिदबिक्री भएको छ ।
उक्त दिन उत्पादक तथा प्रशोधनको ४२.७१ अंक र अन्य ६.७ अंकले घटेको छ भने अन्य सबै समूहहरु हरियाली बनेका छन् ।
मंगलबार नेपाल बंगलादेश बैंकको सबैभन्दा धेरै सेयर कारोबार भएको छ । आज बैंकको १४ करोड ७७ लाख ५४ हजार रुपैयाँ बराबरको सेयर किनबेच भएको हो ।
कारोबार रकमको आधारामा दोस्रो स्थानामा रहेको नबिल बैंकको १३ करोड ९ लाख ६९ हजार रुपैयाँ बराबरको सेयर किनबेच भएको छ ।
उक्त दिन अपि पावरको ११ करोड ७ लाख ६८ हजार, हिमालयन डिष्टीलरी १० करोड ६० लाख २३ हजार, अपर तामाकोशी हाइड्रोपावरको १० करोड ३८ लाख ५३ हजार रुपैयाँ बराबरको सेयर कारोबार भएको छ ।
वि.सं.२०७८ पुस २० मंगलवार १५:४० मा प्रकाशित
