काठमाडौं । बिहीवार दुई कम्पनीको बोनस सेयरको मूल्य समायोजन भएको छ ।
नेपाल स्टक एक्सचेञ्ज (नेप्से) ले श्री इन्भेष्टमेण्ट एण्ड फाइनान्स र गुहेश्वरी मर्चेण्ट एण्ड फाइनान्सको मूल्य समायोजन गरेको हो ।
यी दुवै कम्पनीले लाभांश तथा साधारण सभा प्रयोजनार्थ बिहीवार बुकक्लोज गरेसँगै नेप्सेले सेयर मूल्य समायोजन गरेको हो ।
नेप्सेले श्री इन्भेष्टमेण्ट एण्ड फाइनान्सको ७.७० प्रतिशत बोनस सेयरको समायोजनपछि ४४१ रुपैयाँ ९७ पैसा तोकेको छ ।
कम्पनीको अघिल्लो कारोबारको दिन अर्थात् बुधवार कायम अन्तिम सेयर मूल्य ४७६ रुपैयाँको आधारमा समायोजन भएको हो ।
त्यस्तै, नेप्सेले गुहेश्वरी मर्चेण्ट एण्ड फाइनान्सको १० प्रतिशत बोनस सेयरको समायोजनपश्चात मूल्य ४५४ रुपैयाँ ४५ पैसा तोकेको छ ।
नेप्सेले अघिल्लो कारोबार दिनको अन्तिम मूल्यका आधारमा समायोजन गरेको हो । बुधवार कम्पनीको सेयर प्रतिकित्ता ४९९ रुपैयाँ ९० पैसामा अन्तिम कारोबार भएको थियो ।
वि.सं.२०७८ पुस २२ बिहीवार ११:०९ मा प्रकाशित
