काठमाडौं । थप दुई कम्पनीहरुले लाभांश घोषणा गरेका छन् । विहीबार गरिमा विकास बैंक र हिमालयन जनरल इन्स्योरेन्स कम्पनीले लाभांश घोषणा गरेका हुन् ।
गरिमा बैंकको पुस २२ गते बिहान बसेको संचालन समितिको बैठकले १६ प्रतिशत बोनस सेयर दिने प्रस्ताव गरेको हो ।
बैंकले गत आर्थिक वर्ष २०७७/७८ को मुनाफाबाट सेयरधनीहरुलाई १६ प्रतिशत बोनस सेयर दिने भएको छ । बैंकले नगद लाभांश नदिने भएको हो ।
उक्त प्रस्तावित लाभांश नेपाल राष्ट्र बैंकबाट स्वीकृत भई बैंकको १५औं वार्षिक साधारण सभाबाट पारित भएपछि वितरण हुनेछ ।
यस्तै, हिमालयन जनरल इन्स्योरेन्स कम्पनीको पुस २१ गते बिहान बसेको संचालन समितिको बैठकले ७ प्रतिशत लाभांश दिने प्रस्ताव गरेको हो ।
कम्पनीले गत आर्थिक वर्ष २०७७/७८ को मुनाफाबाट सेयरधनीहरुलाई ६.६५ प्रतिशत बोनस सेयर र कर प्रयोजनका लागि ०.३५ प्रतिशत नगद लाभांश वितरण गर्ने प्रस्ताव गरेको छ ।
उक्त प्रस्तावित लाभांश बीमा समितिबाट स्वीकृत भई कम्पनीको आगामी साधारण सभाबाट पारित भएपछि वितरण हुनेछ ।
वि.सं.२०७८ पुस २३ शुक्रवार १२:०५ मा प्रकाशित
