काठमाडौं । प्रहरी प्रधान कार्यालय केन्द्रीय अनुसन्धान ब्यूरो(सीआईबी)ले बैंकिङ्ग कसूर मुद्दामा फरार रहेका व्यक्तिलाई पक्राउ गरेको छ ।
सीआईवीले काठमाडौं महानगरपालिका–१० बस्ने ४१ वर्षीय राजेन्द्र कुमार श्रेष्ठलाई पक्राउ गरेको हो । श्रेष्ठले आफ्नो खातामा पर्याप्त मौज्दात रकम नभएको भन्ने जानी–जानी झुक्यानमा पारि २०७६ कात्तिक २० गते सिभिल बैंक शाखा कार्यालय भक्तपुरका चेक काटेर दिएका थिए ।
उनलाई उच्च अदालत पाटनले २०७८ असोज १० गते बैंकिङ्ग कसूरजन्य अपराध ठहर गर्दै बैंकिङ्ग कसूर तथा सजाय ऐन २०६४ बमोजिम ५ दिन कैद र २६ लाख जरिवा फैसाल गरेको थियो ।
सीआईबीले श्रेष्ठलाई बानेश्वरबाट पक्राउ गरि फैसला कार्यान्वयनका लागि आज अर्थात पुस २३ गते जिल्ला अदालत काठमाडौंमा पेश गरेको जनाएको छ।
वि.सं.२०७८ पुस २३ शुक्रवार १२:५४ मा प्रकाशित
