काठमाडौं । भोलि अर्थात शनिबार तीन लघुवित्त वित्तीय कम्पनीले वार्षिक साधारण सभा गर्ने भएका छन् ।
उक्त दिन महुली लघुवित्त वित्तीय संस्था, विजय लघुवित्त वित्तीय संस्था र समीट लघुवित्त वित्तीय संस्थाले साधारण सभा गर्न लागेको हुन् ।
यी तीनै वटा कम्पनीहरुको सभाले लाभांश पारित गर्ने मुख्य एजेण्डा बनाएका छन् । भोलि कम्पनीहरुले गत आर्थिक वर्ष २०७७/७८ को मुनाफबाट प्रस्तावित लाभांश पारित गर्ने भएका हुन् ।
महुली लघुवित्त : महुली लघुवित्त वित्तीय संस्थाले शनिबार साधारण सभा गर्दै छ ।
सभाले २६ प्रतिशत बोनस सेयर (करसहित) वितरण गर्ने प्रस्ताव पारित गर्ने छ । सभाले प्रिमियममा एफपीओ निष्कासन गर्ने प्रस्ताव पारित गर्नेछ ।
कम्पनीले सभा प्रयोजनको लागि पुस १२ गते बुक क्लोज गरेको छ । पुस ११ गतेसम्म कायम सेयरधनीहरुले सभामा भाग लिन र लाभांश पाउनेछन् ।
विजय लघुवित्त : विजय लघुवित्त वित्तीय संस्थाले पनि भोलि अर्थात पुस २४ गते नवौं वार्षिक साधारण सभा गर्दैछ ।
सभामा लाभांश पारित गर्ने मुख्य एजेण्डा रहेको छ । कम्पनीको सभाले २०.०३ प्रतिशत बोनस सेयर वितरण गर्ने प्रस्ताव पारित गर्नेछ ।
कम्पनीले साधारण सभा प्रयोजनको लागि पुस १२ गतेदेखि २४ गतेसम्म बुक क्लोज गर्ने भएको छ । पुस ११ गतेसम्म कायम सेयरधनीले सभामा भाग लिन र लाभांश पाउनेछन् ।
समीट लघुवित्त : समीट लघुवित्त वित्तीय संस्थाले १३औं वार्षिक साधारण सभा शनिबार हुँदैछ ।सभाले सेयरधनीहरुलाई २५.२८५३१६ प्रतिशत बोनस सेयर वितरण गर्ने प्रस्ताव पारित गर्नेछ ।
यसका साथै सभाले सजिलो लघुवित्त वित्तीय संस्था र समीट लघुवित्त वित्तीय संस्था एक आपसमा गाभिएपछि संस्थापक र सर्वसाधारण सेयर पूँजीको अनुपात मिलान गर्दा नपुग भएको सर्वसाधारणको तर्फबाट ७ लाख ५१ हजार ७१२ कित्ता एफपिओ निष्कासन गर्ने प्रस्ताव पनि पारित गर्नेछ ।
सभा प्रयोजनको लागि पुस १५ गतेदेखि २४ गतेसम्म बुक क्लोज गर्ने भएको छ पुस १४ गतेसम्म कायम सेयरधनीले सभामा भाग लिन र लाभांश पाउनेछन् ।
वि.सं.२०७८ पुस २३ शुक्रवार १५:०३ मा प्रकाशित
