काठमाडौं । साताको पहिलो कारोबार दिन सेयर बजारमा उछाल आएको छ । आइतबार बजार ७३.०१ अंकले वृद्धि भएको हो ।
उक्त दिन बजार परिसुचक २७६५.४७ अंकको बिन्दुमा पुगेर बन्द भएको छ । आज कारोबार रकममा पनि बढोत्तरी देखिएको छ ।
उक्त दिन दुई कम्पनीको सेयर मूल्यमा सकरात्मक सर्किट लागेको छ । आज नेपाल हाइड्रो डेभलपर्स र हिमालयन उर्जा विकास कम्पनीको सेयर मूल्य १० प्रतिशतले वृद्धि भएको छ ।
आज यूनियन हाइड्रोपावरको सेयर मूल्य ९.९८ प्रतिशत, मध्य भोटेकोशी जलविद्युतको ९.९७, न्यादी हाइड्रोपावरको ९.४१, प्रोग्रेसिभ फाइनान्सको ९.३३, आईसीएफसीको ९.२८, एचआईडीसीएल ९.२७ र कर्पोरेट डेभलपमेन्ट बैंकले ९.१८ प्रतिशतले वृद्धि भएको हो ।
आज यी कम्पनीहरुसहित माउनटेन हाइड्रो नेपाल, कर्णाली डेभलपमेन्ट बैंक, ग्रीन डेभलपमेन्ट बैंक, दिव्यश्वरी हाइड्रोपावर, गुडवील फाइनान्स,नेशनल हाइड्रोपावर, एनआरएन इन्फ्रास्ट्रक्चर एण्ड डेभलपमेन्ट लगायतका लगानीकर्ताहरुले उच्च दरमा कमाएका छन् ।
वि.सं.२०७८ पुस २५ आइतवार १५:४० मा प्रकाशित
