काठमाडौैं । साताको पहिलो कारोबार दिन सेयर बजारमा उछाल आएको छ । आइतबार बजार ७३.०१ अंकले वृद्धि भएको हो ।
उक्त दिन बजार परिसुचक २७६५.४७ अंकको बिन्दुमा पुगेर बन्द भएको छ । आज कारोबार रकममा पनि बढोत्तरी देखिएको छ । उक्त दिन सबै समूह हरियाली बनेका छन् ।
उक्त दिन ७ अर्ब १० करोड १८ लाख ३१ हजार रुपैयाँ बराबरको १ करोड ५० लाख ५८ हजार कित्ता सेयर खरिदबिक्री भएको छ ।
उक्त दिन सबैभन्दा बढी अपि पावरको सेयर कारोबार भएको छ । उक्त दिन कम्पनीको २९ करोड २२ हजार रुपैयाँ बराबरको सेयर किनबेच भएको छ ।
कारोबार रकमको आधारमा दोस्रो स्थानमा रहेको प्रभु बैंकको २० करोड ८६ लाख ४२ हजार रुपैयाँ बराबरको कारोबार भएको छ ।
यस्तै, उक्त दिन अपर तामाकोशीको पनि २० करोड १५ लाख ७७ हजार रुपैयाँ बराबरको सेयर खरिदबिक्री भएको हो ।
वि.सं.२०७८ पुस २५ आइतवार १५:१९ मा प्रकाशित
