काठमाडौं । सोमबार विभिन्न तीन कम्पनीको सेयर मूल्यमा उछाल आएको छ । उक्त दिन मध्य भोटेकोशीसहित तीन कम्पनीको सेयर मूल्य उच्च दरमा वृद्धि भएको हो ।
साताको दोस्रो कारोबार दिन मध्य भोटेकोशीको सेयर मूल्यमा सकरात्मक सर्किट लागेको छ । कम्पनीको सेयर मूल्य १० प्रतिशत अर्थात प्रतिकित्ता २५ रुपैयाँ ९० पैसाले वृद्धि भएको हो । योसंगै आज कम्पनीको सेयर मूल्य २८५ रुपैयाँ कायम भएको छ ।
यस्तै, उक्त दिन यूनियन हाइड्रोपावरको सेयर मूल्य ९.९९ प्रतिशत अर्थात प्रतिकित्ता ३५ रुपैयाँले वृद्धि भएको छ । योसंगै कम्पनीको सेयर मूल्य आज ३८५ रुपैयाँ ३० पैसा कायम भएको छ ।
त्यसैगरि सोमबार कर्पोरेट डेभलपमेन्ट बैंकको सेयर मूल्य ९.९८ प्रतिशत अर्थात प्रतिकित्ता ४५ रुपैयाँ ४० पैसाले वृद्धि भई ५ सय रुपैयाँ २० पैसा कायम भएको छ ।
उक्त दिन खानीखोला जलविद्युत कम्पनीको सेयर मूल्य ८.२० प्रतिशत, हिमालयन उर्जा विकासको ८.०५ प्रतिशतले वृद्धि भएको छ ।
आज यी कम्पनीहरुसहित गोर्खाज फाइनान्स, रुरु जलविद्युत परियोजना, नेशनल लाइफ इन्स्योरेन्स, जोशी हाइड्रोपावर लगायतका लगानीकर्ताहरुले उच्च दरमा कमाएका छन् ।
वि.सं.२०७८ पुस २६ सोमवार १५:२८ मा प्रकाशित