काठमाडौं । बीमा कम्पनीहरुको नियामक निकाय बीमा समितिले निर्जिवन बीमा कम्पनीहरुलाई नगद लाभांश वितरण गर्न रोक लगाएको हो ।
समितिले कोरोना बीमाको ठूलो दाबी भुक्तानी तिर्न बाँकी रहेको भन्दै तत्काल नगद लाभांश वितरण गर्न रोक लगाएको हो । यो सँगै बीमा कम्पनीका शेयरधनीले बोनस शेयर मात्र पाउने व्यवस्था भएको छ ।
बीमा समितिले आज बीमा कम्पनीलाई परिपत्र जारी गर्दै नगद लाभांश वितरणमा रोक लगाएपछि कम्पनीले बोनस शेयर मात्रै दिन पाउने व्यवस्था गरेको छ ।
बीमा समितिले निर्जीवन बीमा कम्पनीहरुलाई नगद लाभांश बितरणमा रोक लगाउने र निर्जीवन बीमा कम्पनीहरुलाई कोरोना बीमामा अतिरिक्त भुक्तानी गर्नुपर्ने दायित्व थपिदिन लागेको छ ।
समितिका कार्यकारी निर्देशक तथा प्रवक्ता राजुरमण पौडलेलले यो वर्ष कम्पनीहरूले नगद लाभांशको साटो बोनस शेयर नै दिने बताए । साथै आगामी वर्षमा भने नगद लाभांश वितरणमा कुनै अवरोध नगर्ने बताए ।
वि.सं.२०७८ पुस २६ सोमवार १६:०६ मा प्रकाशित