काठमाडौं । प्रोगेसिभ फाइनान्स कम्पनीको साधारण सभा स्थगित भएको छ ।
पुस २६ गते साँझ बसेको संचालक समितिको बैठकले अर्को सूचना जारी नभएसम्मका लागि सभा स्थगित गरेको हो ।
कोरोना महामारी एवं कम्पनीको सभा प्रयोजनका लागि राष्ट्र बैंकबाट स्वीकृत प्राप्त वित्तीय विवरणमा कर सम्वन्धी प्रावधानमा केही फेरबदलका कारण कर प्रयोजन पछिको खुद नाफामा परिवर्तन हुनसक्ने अवस्था सृजना भएकाले सभा स्थगित गरेको हो ।
कम्पनीले पुस ३० गते सभाका लागि मिति तय गरेको थियो । सभा प्रयोजनका लागि गरिएको बुक क्लोज भने साविककै कायम गरिएको सूचनामा उल्लेख छ ।
वि.सं.२०७८ पुस २७ मंगलवार १२:०० मा प्रकाशित
