काठमाडौं । नारायणी डेभलपमेण्ट बैंकको शतप्रतिशत हकप्रद सेयरमा आवेदन दिने अवधि थप भएको छ ।
कम्पनीले पुस २७ गतेसम्म बिक्रीको मिति तय गरेकोमा उक्त अवधिसम्म १९ प्रतिशतभन्दा बढी मात्र हकप्रद सेयर बिक्री भएपछि म्याद थप भएको हो ।
पुस ७ गतेदेखि निष्काशन भएको उक्त हकप्रद सेयरमा आगामी माघ १२ गतेसम्म आवेदन दिन सकिनेछ ।
कम्पनीले १ बराबर १ को अनुपातमा १३ करोड १२ लाख ३३ हजार ८ सय रुपैयाँ बराबरको १३ लाख १२ हजार ३३८ कित्ता हकप्रद सेयर विक्री खुला गरेको हो ।
बिक्रीमा प्रबन्धकमा ग्लोबल आइएमई क्यापिटल लिमिटेड रहेको छ ।
वि.सं.२०७८ पुस २७ मंगलवार ११:४३ मा प्रकाशित
