काठमाडौं । एभरेष्ट बैंकले शाखा कार्यालय संचालनका लागि पूर्वाधारयुक्त घर तथा जग्गा खोजेको छ ।
बैंकले धनगढी स्थित शाखा तथा प्रादेशिक कार्यालय संचालनका लागि घर÷जग्गा आवश्यक रहेको जनाएको छ ।
उक्त स्थानमा घर तथा जग्गा बिक्री गर्न इच्छुक घरधनीहरुले शिलबन्दी पेश प्रस्ताव गर्न सक्नेछन् । इच्छुक घरजग्गा धनी वा घरजग्गासंग सम्वन्धित आधिकारिक व्यक्ति, फर्म, कम्पनी, संस्थाहरुले आवश्यक सम्पूर्ण कागजातति २१ दिनभित्र प्रस्ताव पेश गर्नुपर्नेछ ।
घर/जग्गा धनगढी चौराहा चोकबाट पूर्व तर्फ मेनरोड राता पुलसम्म र चौराहा चोकबाट उत्तर तर्फ अत्तरीया जाने सडकको १ किलो मिटर दुरी भित्र पर्ने मूल सडकसंग दाँया वा वाँया जोडिएको हुनुपर्नेछ ।
जग्गाको क्षेत्रफल कम्तीमा १ र बढीमा तीन कठ्ठा सम्मको हुनुपर्ने, मूलसडकसंग जोडिएको जग्गाको मोहडा कम्तीमा ४० फिट भएको हुनुपर्ने बैंकले जनाएको छ ।
यस्तै, घर/जग्गा कुनै प्रकारको साँध सीमाना, सडक, सन्धी–सर्पण, ढल निकासा आदि विवाद एवं मुद्दा नभएको तथा विवदा रहित हुनुपर्ने, प्रचलित सरकारी मापदण्ड बमोजिमको सडक क्षेत्राधिकार भित्र नपरेको हुुनपर्नेछ ।
बैंकका अनुसार स्थानीयले उपलब्ध गराएको ढल निकास, विद्युत, खानेपानी लगायत सुविधा भएको घर/जग्गालाई प्राथमिकता दिईनेछ ।
साथै प्रस्तावित घर/जग्गाको क्षेत्रफल भित्र उच्च क्षमताको विद्युतीय तार प्रवाह नभएको, घर जग्गा रजिष्ट्रेशन पास गर्दाए नियमानुसार लाग्ने लाभकर बिक्रीकर्ताले व्यहोर्नुपर्ने लगायतका शर्तहरु रहेका छन् ।
वि.सं.२०७८ पुस २८ बुधवार १२:१२ मा प्रकाशित