काठमाडौं । विभिन्न चार कम्पनीको सेयर मूल्यमा उछाल आएको छ । दुई बैंकसहित चार कम्पनीको सेयर मूल्य उच्च दरमा वृद्धि भएको हो ।
यो समाचार तयार गर्ने बेलासम्म नेपाल इन्फ्रास्ट्रक्चर बैंक र कर्पोरेट डेभलपमेन्ट बैंकको सेयर मूल्यमा सकरात्मक सर्किट अर्थात १० प्रतिशतले वृद्धि भएको छ ।
यतिबेला निफ्राको सेयर मूल्य प्रतिकित्ता ३३ रुपैयाँ ३० पैसाले वृद्धि भई ३७२ रुपैयाँ ९० पैसा पुगेको छ भने कर्पोरेट डेभलपमेन्टको प्रतिकित्ता ५५ रुपैयाँले वृद्धि भई ६०५ रुपैयाँ २० पैसा कायम भएको छ ।
यस्तै, यति बेला मध्य भोटेकोशी जलविद्युत परियोजनाको सेयर मूल्य ९.९८ प्रतिशत र नारायणी डेभलपमेन्ट बैंकको ९.९८ प्रतिशतले वृद्धि भएको छ ।
वि.सं.२०७८ पुस २८ बुधवार १४:२७ मा प्रकाशित