काठमाडौं । नेपाल स्टक एक्सचेञ्ज(नेप्से) मा बुद्धभुमि नेपाल हाइड्रोपावर कम्पनीको आईपीओसूचीकृत भएको छ । आइतबार कम्पनीको ४० लाख कित्ता आईपीओ सूचीकृत भएको हो ।
कम्पनीले सर्वसाधारणको लागि निष्कासन गरेको ८ लाख कित्ता, प्रभावित क्षेत्रका बासिन्दाका लागि निष्कासन गरेको ४ लाख कित्ता र कम्पनीका संस्थापकहरुले लगानी गरेको २८ लाख कित्ता गरेर कुल ४० लाख कित्ता साधारण सूचीकृत गराएको हो ।
आइतवार नेपाल स्टक एक्सचेञ्ज र कम्पनी बीच धितोपत्र सूचिकरण सम्झौता सम्पन्न भएसँगै सोमवारदेखि कारोबारमा आउनेछ ।
पहिलो कारोबारका लागि कम्पनीले प्रतिकित्ता ८४ रुपैयाँ ०.५ पैसादेखि २५२ रुपैयाँ १५ पैसासम्म ओपन रेञ्ज पाउनेछ ।
नेप्सेले कम्पनीको पहिलो कारोबारको लागि नेटवर्थको तीन गुणासम्म ओपन रेञ्ज तोक्ने भएकाले उक्त रेञ्ज पाउने देखिएको हो ।
वि.सं.२०७८ माघ २ आइतवार १४:२२ मा प्रकाशित
