काठमाडौं । नेपाल स्टक एक्सचेञ्ज(नेप्से)मा यस साता विभिन्न पाँच कम्पनीको बोनस सेयर सूचीकृत भएको छ ।
यस साता नेप्सेमा दुई वाणिज्य बैंकसहित पाँच कम्पनीको २ करोड ८१ लाख ४६ हजार ८५३ कित्ता बोनस सेयर सूचीकृत भएको हो ।
नेप्सेमा मेगा बैंक, माछापुच्छ्रे बैंक, गुराँस लघुवित्त, साधना लघुवित्त, र आशा लघुवित्त वित्तीय संस्थाको बोनस सेयर सूचीकृत भएको हो ।
जसमध्ये मेगा बैंकको १० प्रतिशत बोनस सेयर बापतको १ करोड ४६ लाख ५४ हजार ९६४.९५७ कित्ता बोनस सेयर, माछापुच्छ्रे बैंकको १ करोड २० लाख ४० हजार ६१० कित्ता बोनस सेयर नेप्सेमा सूचीकृत भएको हो ।
यस्तै, गुराँस लघुवित्तको १ लाख ४१ हजार कित्ता, साधना लघुवित्तको ६ लाख ४२ हजार ४५१ कित्ता र आशा लघुवित्तको ६ लाख ६७ हजार ८२८ कित्ता र बोनस सेयर सूचीकृत भएको हो ।
वि.सं.२०७८ माघ ७ शुक्रवार १४:१९ मा प्रकाशित
