काठमाडौँ । लाइफ इन्स्योरेन्स (कर्पोरेशन) नेपाल र सन नेपालले आर्थिक वर्ष २०७६–७७ को लागि नयाँ बोनसदर घोषणा गरेका छन् ।
लाईफ इन्स्योरेन्स कर्पाेरेशनले न्यूनतम ४५ रुपैयाँदेखि अधिकतम ७० रुपैयाँसम्म बोनसदर घोषणा गरेको छ भने सन नेपालले न्यूनतम ३० रुपैयाँदेखि अधिकतम् ७५ रुपैयाँसम्म पाइनेगरी बोनसदर घोषणा गरेको हो ।
लाईफ इन्स्योरेन्सका बीमितले सावधिक जीवन बीमा, जीवन विद्या, जीवन साथी बीमा योजनामा बीमा अवधिको आधारमा बीमितले प्रति हजार न्यूनतम ५४ रुपैयाँदेखि अधिकतम ७० रुपैयाँसम्म बोनस पाउनेछन् ।जीवन आनन्द र बाल सवाधिक बीमा योजनामा न्यूनतम ५५ रुपैयाँदेखि ७० रुपैयाँ बोनस पाउनेछन् ।
त्यस्तै सन नेपाल लाइफको सन लाइफ सावधिक जीवन बीमामा न्यूनतम ३० रुपैयाँदेखि ७५ रुपैयाँसम्म बोनस पाइने छ । त्यस्तै, भाग्योदय जीवन बीमालेख एकल भुक्तानी सावधिकमा पनि न्यूतम ३० रुपैयाँदेखि ७५ रुपैयाँसम्म बोनस पाइनेछ । त्यसैगरी, बालसमृद्धि बीमालेख सावधिक जीवन बीमालेखमा न्यूनतम ३० रुपैयाँदेखि ७५ रुपैयाँसम्म बोनस पाइने छ ।
त्यसैगरी, नविन आजिवन बीमालेख सावधिक जीवन बीमालेखमा न्यूनतम ३० रुपैयाँदेखि ७५ रुपैयाँसम्म बोनस पाइने छ । आज सार्वजनिक गरिएको चारै प्रकारका बीमालेखमा नौ वर्षसम्मको बीमालेखमा ३० रुपैयाँ प्रतिवर्ष प्रति हजार बोनस पाइने छ भने १४ वर्षसम्मको बीमालेखमा पनि ३० रुपैयाँ, १९ वर्षसम्मको बीमालेखमा ४० रुपैयाँ, २४ वर्षसम्म अवधीमा बीमालेखमा ६० रुपैयाँ र २५ वर्षभन्दा माथि अवधीको बीमा गर्दा ७५ रुपैयाँ बोनस पाइनेछ ।
त्यस्तै, धनञ्जय बार्षिक अग्रिम भुक्तानी अन्तर्गतको नौ वर्ष अवधीसम्मका जीवन बीमालेखमा न्यूनतम १८ रुपैयाँ प्रतिवर्ष प्रति हजार बोनस तोकिएको छ । सोही प्रकृतिको बीमालेख अन्तर्गत २० वर्ष वा सो भन्दा माथिको बीमालेखमा ३० रुपैयाँ बोनसदर निधारण गरिएको छ ।
र, यो पनि १० बीमा कम्पनीद्धारा बोनसदर घोषणा, कुन कम्पनीको कुन पोलिसीमा बीमितले कति पाउँछन् ?
वि.सं.२०७८ माघ ७ शुक्रवार १५:२३ मा प्रकाशित
