काठमाडौं । एनएमबि बैंकले सन्ध्याकालिन तथा बिदाको दिनमा पनि संचालन हुने काउन्टरहरु अनिश्चितकालका लागि बन्द गरेको छ ।
एक सूचना निकाल्दै बैंकले आजै अर्थात माघ ८ गतेदेखि उक्त सेवा हालका लागि बन्द गरिएको जनाएको छ ।
कोरोना संक्रमणको जोखिमपूर्ण अवस्थामा ग्राहक सुरक्षालाई विशेष ध्यानमा राखि यस्तो व्यवस्था गरेको हो ।
बैंकले सन्ध्याकालिन तथा बिदाको दिनमा पनि संचालन हुने काउन्टर अब अर्को सूचना जारी नभएसम्मका लागि बन्द गरिएको जनाएको छ ।
कोरोना संक्रमण जोखिमलाई दृष्टिगत गर्दै सकेसम्म डिजिटल बैंकिङ्ग सेवाहरुको बढी उपयोग गर्न बैंकले सूचना मार्फत अनुरोध गरेको छ ।
वि.सं.२०७८ माघ ८ शनिवार १६:४४ मा प्रकाशित
