back
Mega Long Ad

विद्युत चुहावट ९.१० प्रतिशतमा झर्यो

काठमाडौं । नेपाल विद्युत प्राधिकरणले चालु आर्थिक वर्ष (आव) २०७८÷७९ को पहिलो पाँच महिनामा वितरणतर्फको विद्युत चुहावटलाई घटाएर ९.१० प्रतिशतमा झारेको छ । नियमित रुपमा विद्युत् आपूर्ति र प्राविधिक तथा गैह्रप्राविधिक चुहावट नियन्त्रणका लागि सञ्चालन गरिएको अभियानबाट प्राधिकरणले गत वर्षको मंसिरसम्मको वितरणतर्फको संचित चुहावटको तुलनामा यस वर्ष २.८२ प्रतिशत विन्दुले घटाएको छ । गत वर्ष मंसिरसम्मको वितरणतर्फको विद्युत चुहावट ११.९२ प्रतिशत थियो ।

प्रणालीमा रहेको विद्युत चुहावटमध्ये सबैभन्दा ठूलो हिस्सा वितरणतर्फको हुन्छ । प्राधिकरणले चालु आवमा समग्र प्रणालीको विद्युत चुहावट १५.५ प्रतिशतमा र वितरणतर्फको चुहावटलाई ९.५ प्रतिशतमा झार्ने लक्ष्य राखेको छ । प्राविधिक र गैह्रप्राविधिक चुहावट नियन्त्रणका लागि चालिएका कदमलाई अझै सशक्त र प्रभावकारी बनाएर चुहावटलाई लक्ष्यभन्दा अझै कम बनाउने गरी सम्पूर्ण टिम परिचालन गरिएको प्राधिकरणका कार्यकारी निर्देशक कुलमान घिसिङले बताए ।

कार्यकारी निर्देशक घिसिङले यस अवधिमा नयाँ सबस्टेसन निर्माण सम्पन्न भएको, सञ्चालमा रहेका सबस्टेसनको स्तरोन्नति गरिएको, औद्योगिक क्षेत्रमा विद्युत खपत बढेको, मिटर रिडिङलाई प्रभावकारी बनाउँदा ग्राहककोमा सञ्चित रहेको युनिट विलिङ भएको लगायतका कारणबाट चुहावट घटेको उल्लेख गरे ।

‘हुकिङलगायतबाट हुने विद्युत चोरी नियन्त्रणका लागि नियमित अनुगमन तथा कारबाही, ओभरलोड भएका सबस्टेसनको सुदृढीकरण तथा नयाँ सबस्टेसनको निर्माण, कन्डक्टर, ट्रान्सफर्मर फेर्नेलगायतका काम अगाडि बढाइकोले चुहावट घटेको हो’, उहाँले भन्नुभयो । ‘गर्मी सुरु भएपछि चुहावट केही बढ्न सक्छ, यसलाई ध्यान दिंदै चुहावटलाई वाञ्छित सीमाभन्दा तल झार्ने गरी काम भइरहेको छ ।’

सबस्टेसनको क्षमता बृद्धि गर्ने, कन्डक्टर थप्ने,ओभरलोड ट्रान्सफर्मर फेर्ने, थ्रि फेज मिटरको प्रयोगलाई प्रोत्साहन गर्ने लगायतका कदमको परिणाम चुहावट नियन्त्रणमा देखिएको हो । प्राधिकरणले गैह्रप्राविधिक चुहावट नियन्त्रणका लागि चोरी नियन्त्रण,महशुल बक्यौता असुलीमा कडाइ, मिटर वाइपास तथा हुकिङ गरी चोरी गर्नेलाई कडा कारवाही गर्र्नेे, बन्द मिटर फेर्ने, मिटर लिन प्रोत्साहित गर्ने मिटर रिडिङ नभएको (स्टक युनिट) ग्राहकको पहिचान गरी रिडिङ गर्ने काम अभियानकै रुपमा चलाइएको छ ।

वि.सं.२०७८ माघ ९ आइतवार १२:४० मा प्रकाशित

You can share this post!

prabhu bank
हिम पर्वत हाइड्रोपावरको विशेष साधारण सभा जेठ २५ गते

हिम पर्वत हाइड्रोपावरको विशेष साधारण सभा जेठ २५ गते

वि.सं.२०७९ जेठ ९ सोमवार १०:३१

काठमाडौं । हिम पर्वत हाइड्रोपावर लिमिटेडले विशेष साधारण सभा गर्ने...

हावाहुरीले १४० विद्युत् पोलमा क्षति

हावाहुरीले १४० विद्युत् पोलमा क्षति

वि.सं.२०७९ जेठ ८ आइतवार १४:४२

चितवन । जिल्लामा शुक्रबार साँझ आएको हावाहुरीले रूख र बिजुलीका...

२८ करोड ८० लाख नोक्सानीमा शिवश्री हाइड्रोपावर, विद्युत बिक्री आम्दानी भने तीन महिनामै ३६.४८% ले बढ्यो

२८ करोड ८० लाख नोक्सानीमा शिवश्री हाइड्रोपावर, विद्युत बिक्री आम्दानी भने तीन महिनामै ३६.४८% ले बढ्यो

वि.सं.२०७९ जेठ ८ आइतवार १२:१८

काठमाडौं । शिवश्री हाइड्रोपावर कम्पनीले चालु आर्थिक वर्ष २०७८/७९ को...

रिभर फल्स पावरको आईपीओमा आवेदन दिने आज अन्तिम मौका

रिभर फल्स पावरको आईपीओमा आवेदन दिने आज अन्तिम मौका

वि.सं.२०७९ जेठ ४ बुधवार १२:२०

काठमाडौं । रिभर फल्स पावर लिमिटेडले बैशाख २८ गतेदेखि निष्काशन...

अपर तामाकोशीको नोक्सानी बढेर १ अर्ब ६५ करोड पुग्यो, विद्युत बिक्री आम्दानी कति ? (विवरणसहित)

अपर तामाकोशीको नोक्सानी बढेर १ अर्ब ६५ करोड पुग्यो, विद्युत बिक्री आम्दानी कति ? (विवरणसहित)

वि.सं.२०७९ जेठ २ सोमवार १६:०६

काठमाडौं । अपर तामाकोशी हाइड्रोपावर कम्पनीले चालु आर्थिक वर्ष २०७८/७९...

चिलिमे जलविद्युतको नाफामा झिनो सुधार: विद्युत बिक्रीबाट कमायो ८२ लाख ३४ हजार (विवरणसहित)

चिलिमे जलविद्युतको नाफामा झिनो सुधार: विद्युत बिक्रीबाट कमायो ८२ लाख ३४ हजार (विवरणसहित)

वि.सं.२०७९ वैशाख २८ बुधवार ११:४६

काठमाडौं । चिलिमे जलविद्युत कम्पनीले चालु आर्थिक वर्ष २०७८/७९ को...