काठमाडौं । भोलि अर्थात माघ १० गते सोमबारदेखि ललितपुर महानगरपालिकामा अत्यावश्यक बाहेकका सेवा बन्द हुने भएको छ ।
कोरोनाको नयाँ भरियन्ट ओमिक्रोनको संक्रमण बढ्दै गएको र यसबाट महानगरपालिकामा कार्यरत कर्मचारीहरु र जनप्रतिनिधिहरु समेत संक्रमित भई उपचार एवं होम आइसोलेशनमा रहेकोले अत्यावश्यक बाहेकका सेवा बन्द गर्ने भएको हो ।
आइतबार एक सूचना निकाल्दै महानगरले नियमित सेवा प्रवाहमा समस्या उत्पन्न भएको र आलोपालो प्रणालीबाट सेवा व्यवस्थापन गर्न सक्ने स्थिति समेत नरहेको अवस्थालाई मध्यनजर गरी अत्यावश्यक बाहेक सेवा बन्द गरेको जनाएको छ ।
सूचना अनुसार भोलिदेखि शुक्रबारसम्म (५ दिन) महानगरबाट प्रवाह गरिने अत्यावश्यक सेवा (स्वास्थ्य सेवा, दमकल, शव वाहन, एम्बुलेन्स्, सरसफाई, नगरप्रहरी) बाहेकका सम्पुर्ण सेवाहरु बन्द गरिने भएको हो ।
वि.सं.२०७८ माघ ९ आइतवार १६:३६ मा प्रकाशित