काठमाडौं । नबिल बैंकका विभिन्न शाखा कार्यालयहरु बन्द हुने भएको छ । कोरोना संक्रमणका कारण सृजित विषम परिस्थितिलाई मध्यनजर गर्दै देशका विभिन्न शाखा बन्द हुने जनाएको छ ।
एक सूचना निकाल्दै बैंकले माघ १२ गते अर्थात आज प्रदेश १ को इटहरी, उर्लाबारी, बागमती प्रदेशको धापासी, जोरपाटी, दरबार मार्ग, हेटौंडा(बुद्धचोक) गण्डकी प्रदेशको गैंडाकोट र कावासोती शाखा बन्द हुने जनाएको छ ।
यस्तै,लुम्बिनी प्रदेशको घोराही, सुदुरपश्चिम प्रदेशको रातोपुल, धनगढी र रामारोशन शाखा बन्द हुनेछ । यी बाहेक अन्य देशभरका सम्पूर्ण शाखाहरु नियमित रुपमा (विहान १० बजेदेखि ३ बजेसम्म संचालन हुने बैंकले जनाएको छ ।
यस्तै, नेपाल बङ्गलादेश बैंकले पनि आज शाखा कार्यालयहरु बन्द रहने जानकारी दिएको छ । बैंकको कलकत्ता शाखा आज बन्द हुने भएको हो ।
कोरोना संक्रमण नियन्त्रणका लागि बैंकहरुले डिजिटल माध्यमबाट बैंकिङ कारोबार गर्न ग्राहकहरुलाई अनुरोध गरेका छन् ।
वि.सं.२०७८ माघ १२ बुधवार ११:३२ मा प्रकाशित
