काठमाडौ । मेगा क्यापिटल मार्केट्स लिमिटेडले नेप्सेमा सूचीकृत कम्पनीहरुको संस्थापक सेयर खरिद(विक्रीका लागि सहजीकरण सेवाको प्रारम्भ गरेको छ । मेगा क्यापिटलले संस्थापक सेयर खरिद(विक्रीका लागि इच्छुक लगानीकर्ताले घरैमा बसी मेगा क्यापिटल मार्केट्स लिमिटेडमा फोन वा इमेल गर्न सक्नेछन् । त्यस्तै मेगा क्यापिटल मार्केट्सको फेसबुकमा म्यासेन्जर मार्फत् म्यासेज पठाउन पनि सक्नेछन् ।
धेरै लगानीकर्ताहरुले प्रमोटर सेयर (संस्थापक सेयर) साधारण सेयर जस्तो दोस्रो बजारमा सजिलै बिक्री गर्न असमर्थता र असहजताले सेयर सम्पत्ति बन्धक भएका र आवश्यकता अनुसार बिक्री गरेर आर्थिक आवश्यकता पुरा गर्न नसकेका बिक्रेता र लगानीको अवसर खोजिरहेका अन्य लगानीकर्ताहरु बीच किनबेच र सेयर हस्तान्तरणमा सहजीकरण सेवाको आवश्यकतालाई मनन् गर्दै मेगा क्यापिटलले सेयर बजारमा यो नयाँ सेवाको सुरुवात गरेको जनाएको छ ।
यो व्यवस्थाले प्रमोटर सेयर खरिद(बिक्रि गर्न इच्छुक लगानीकर्ताहरुलाई ठूलो राहत मिल्ने विश्वास लिएको पनि कम्पनीले जनाएको छ ।
वि.सं.२०७८ माघ १३ बिहीवार १६:०९ मा प्रकाशित
