काठमाडौं । रिलायन्स लाईफको प्रमुख कार्यकारी अधिकृत (सिईओ) नियुक्त भएका राकेश पोखरेलले आजबाट कार्यभार सम्हालेका छन् ।
बीमा समितिबाट सिईओ पदमा नियुक्तीका लागि स्वीकृत आइसकेपछि उनले आजै शपथ ग्रहण गरेका हुन् ।
यसअघि उनले प्राईम लाइफ, सूर्या लाइफ र प्रभु लाइफमा रहेर अनुभव लिईसकेका छन् । कम्पनीले उनलाई चार वर्षको लागि नियुक्त गरेको हो ।
करिब एक दशक बीमा क्षेत्रमा विताएका पोखरेलले रिलायन्स लाइफलाई बीमितको थप विश्वास जितेर व्यवसाय बृद्धि गरी बीमाको पहुँच थप विस्तार गर्ने चुनौतिको सामना गर्नुपर्नेछ ।
बीमा क्षेत्रले बढ्दो जनशक्ति अभावको सामना गरिरहेको चुनौतिबाट रिलायन्स लाइफलाई जोगाउने, लगानीको दायरा फराकिलो बनाउँदै, संख्यात्मक भन्दा गुणात्मक बीमाको व्यवसायमार्फत बीमित, बीमा अभिकर्ता, कम्पनीका कर्मचारी तथा शेयरधनीहरुलाई बढि भन्दा बढि प्रतिफल दिन सफल हुने विश्वास लिइएको छ ।
वि.सं.२०७८ माघ १३ बिहीवार १६:५० मा प्रकाशित
