काठमाडौँ । चालुपुंजी कर्जा मार्गदर्शन, २०७८ को मस्यौदा तय गर्नको लागि विकास बैंकहरुको छाता संगठन विकास बैंकर्स संघ नेपाल (डिबिएएन)ले आफ्नो सुझावहरु प्रस्तुत गरेको छ ।
डिबिएएनले मार्गदर्शनमा अचल सम्पत्ती धितो लिन सक्ने र अध्ययन समिति गठन गरी लागु गरिनुपर्ने व्यवस्था लगायतका कुराहरुको सन्र्दभमा सुझाव दिएको हो ।
अचल सम्पत्ती धितो लिनुपर्ने अनिवार्यता नहुने वा बैंक तथा वित्तीय संस्थाले कर्जा जोखिमका आधारमा आवश्यक्ता अनुसार अचल सम्पत्ती धितो पनि लिन सक्ने व्यवस्था गर्दा बिकास बैंक र फाइनान्स कम्पनीको व्यवसाय कायम पनि रहने र बैंकहरु जोखिमको आधारमा कर्जालाई थप सुरक्षित गर्नका लागि अन्य स्थिर सम्पत्ती धितो लिन सक्ने संघको धारणा रहेको छ ।
नेपाल राष्ट्र बैंकका अधिकारीहरुका अतिरिक्त व्यवहार मै लागू गर्ने बैंक तथा संस्थाका प्रतिनिधी तथा बैंकिङ विशेषज्ञहरु सम्मिलित एक अध्ययन समिति गठन गरी उक्त समितिले शिफारिस गरेको सुझाबहरुका आधारमा मार्गदर्शन जारी गरिदा व्यवहारिक हुने ठहर छ । पछि लागू गर्दा हाईक्अप पनि कम आउन सक्ने संभावना रहने, बिगतमा पनि नेपाल राष्ट्रले महत्वपूर्ण बिषय लागू गर्दा बैंकिङ् प्रतिनिधी सम्मिलित समिति गठन गर्ने गरेको दृष्टान्त भएको संस्थाले जनाएको छ ।
विकास बैंकको पुरा सुझावः
Suggestions-on-Draft-Working-Capital-Loan-Guidelines (1)
वि.सं.२०७८ माघ १३ बिहीवार १८:४० मा प्रकाशित