काठमाडौं । महुली लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
वित्तीय विवरण अनुसार उक्त अवधिमा कम्पनीले ५ करोड ५६ लाख ३७ हजार रुपैयाँ नाफा कमाएको छ । जुन गत वर्षको पुस मसान्तसम्मको तुलनामा भने ४९.२२ प्रतिशतले बढी हो । गत वर्षको सोही अवधिमा कम्पनीले ३ करोड ७२ लाख ८३ हजार रुपैयाँ नाफा कमाएको थियो ।
उक्त अवधिमा कम्पनीले १४ करोड ९४ लाख १२ हजार रुपैयाँ खुद ब्याज आम्दानी गरेको छ । जुन गत गत वर्षको पुस मसान्तसम्मको तुलनामा ५४.९७ प्रतिशतले बढी हो । गत वर्षको सोही अवधिमा कम्पनीको खुद ब्याज आम्दानी ९ करोड ६४ लाख १२ हजार रुपैयाँ रहेको थियो ।
उक्त अवधिमा कम्पनीको संचालन मुनाफा भने ९५.८० प्रतिशत वृद्धि भई ८ करोड ८३ लाख १२ हजार रुपैयाँ रहेको छ । गत वर्षको पुस मसान्तसम्म कम्पनीको यो मुनाफा ४ करोड २२ लाख २४ हजार रुपैयाँ रहेको थियो ।
कम्पनीको चुक्ता पुँजी २८ करोड २१ लाख ६९ हजार रुपैयाँ रहेको छ । कम्पनीले जगेडा तथा कोषमा भने २४ करोड ५१ लाख १३ हजार रुपैयाँ राखेको छ ।
उक्त अवधिमा कम्पनीले खराब कर्जा भने घटाएको छ । गत वर्षको पुस मसान्तसम्ममा ३ प्रतिशत रहेको खराब कर्जा यस वर्षको सोही अवधिसम्ममा भने घटाएर २.५९ प्रतिशतमा झारेको छ ।
कम्पनीको प्रतिसेयर आम्दानी ३९ रुपैयाँ ४४ पैसा र प्रतिसेयर नेटवर्थ १८६ रुपैयाँ ८७ पैसा रहेको छ ।
वि.सं.२०७८ माघ १८ मंगलवार ११:४६ मा प्रकाशित