काठमाडौं । दिव्यश्वरी हाइड्रोपावर कम्पनीले चालु आर्थिक वर्ष २०७८÷७९ को दोस्रो त्रैमासिक वित्तीय विवरण सार्वजनिक गरेको छ ।
वित्तीय विवरण अनुसार कम्पनीले उक्त अवधिमा नोक्सानी घटाएको छ । चालु आवको पुस मसान्तसम्ममा कम्पनीले नोक्सानी घटाएर १५ लाख ५६ हजार रुपैयाँमा झारेको छ । गत वर्षको सोही अवधिमा कम्पनी १ करोड ३९ लाख ५३ हजार रुपैयाँ नोक्सानीमा रहेको थियो ।
चालु आवको ६ महिनाको अवधिमा कम्पनीले विद्युत बिक्रीबाट ५ करोड ४ लाख ६२ हजार रुपैयाँ आम्दानी गरेको छ । जुन गत वर्षको सोही अवधिको तुलनामा भने २०.२८ प्रतिशतले बढी हो । ग तवर्षको पुस मसान्तसम्ममा कम्पनीले ४ करोड १९ लाख ५२ हजार रुपैयाँ आम्दानी गरेको गरेको थियो ।
कम्पनीको चुक्ता पुँजी २६ करोड ४० लाख रुपैयाँ रहेको छ । कम्पनीको जगेडा तथा कोष भने २० करोड ६९ लाख ८२ हजार रुपैयाँ ऋणात्मक देखिएको छ । यो कोष गत वर्षको पुस मसान्तसम्ममा पनि १८ करोड ८९ लाख ७४ हजार रुपैयाँ ऋणात्मक रहेको थियो ।
कम्पनीको प्रतिसेयर आम्दानी पनि ५९ पैसा ऋणात्मक देखिएको छ भने प्रतिसेयर नेटवर्थ २१ रुपैयाँ २१.६० पैसा रहेको छ ।
वि.सं.२०७८ माघ १८ मंगलवार १३:३२ मा प्रकाशित