काठमाडौं । धौलागिरी लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
आईपीओ निष्काशनको तयारीमा रहेको कम्पनीले चालु आवको उक्त अवधिमा २ करोड १५ लाख ९ हजार रुपैयाँ नाफा गरेको छ । जुन गत वर्षको पुस मसान्तसम्मको तुलनामा ४९३.१८ प्रतिशतले बढी हो । गत वर्षको सोही अवधिमा कम्पनीले ३६ लाख २६ हजार रुपैयाँ मात्र नाफा गरेको थियो ।
उक्त अवधिमा कम्पनीको खुद ब्याज आम्दानी पनि ३०.६० प्रतिशतले वृद्धि भई ५ करोड १६ लाख ३३ हजार रुपैयाँ पुगेको छ । गत वर्षको समिक्षा अवधिमा कम्पनीको यो आम्दानी ३ करोड ९५ लाख ३४ हजार रुपैयाँ रहेको थियो ।
चालु आवको ६ महिनको अवधिमा कम्पनीले संचालन मुनाफामा पनि उल्लेखीय सुधार गरेको देखिएको छ । गत वर्षको पुस मसान्तसम्ममा २ करोड ८६ लदाख ६४ हजार रुपैयाँ ऋणात्मक रहेको कम्पनीले यस वर्षको सोही अवधिमा भने १ करोड ८८ लाख ३८ हजार रुपैयाँ संचालन मुनाफा गर्न सफल भएको छ ।
कम्पनीको चुक्ता पुँजी ७ करोड रुपैयाँ रहेको छ । कम्पनीले जगेडा तथा कोषमा भने १० करोड ५३ लाख १२ हजार रुपैयाँ राखेको छ ।
उक्त अवधिमा कम्पनीले खराब कर्जा पनि २.५१ प्रतिशतले घटाएर ३.७५ प्रतिशतमा झारेको छ । गत वर्षको पुस मसान्तसम्ममा कम्पनीको खराब कर्जा ६.२६ प्रतिशत रहेको थियो ।
कम्पनीले ३ करोड रुपैयाँ बराबरको ३ लाख कित्ता आईपीओ निष्काशनको तयारीमा रहिेको छ । आईपीओ निष्काश तथा बिक्री प्रवन्धकमा सनराइज क्यापिटल रहेको छ ।
वि.सं.२०७८ माघ १९ बुधवार १४:११ मा प्रकाशित