काठमाडौ । नेपाल इन्भेष्टमेन्ट बैंकसँग मर्जर तोडिएको हिमालयन बैंक यतिवेला नयाँ मर्जरका लागि नयाँ पार्टरनको खोजीमा रहेको छ । छ्ट्टिै नै नयाँ पार्टर खोजेर मर्जमा जानुपर्ने दवावमा रहेको बैंकले सेन्चुरी बैंकतर्फ पनि आँखा लगाइरहेको छ ।
हिमालयन बैंकले मर्जरको अनौपचारिक प्रस्ताव गरेकै कारण सेन्चुरी बैंकले अन्य बैंकहरुसँग मर्जरको कुरा अगाडी बढाएपनि ठोस निष्कर्षका लागि उत्साहित देखिएको छैन ।
सेन्चुरी बैंकले यसअघि माछापुच्छ्रे र प्रभू बैंकसँग मर्जरका लागि कुराकानी अगाडी बढाएको थियो । प्रभु बैंकले १००ः८५ को अनुपातमा मर्ज गर्ने विषयमा अन्तिम निष्कर्ष निकाल्न बाँकी छदै सेन्चुरी बैंकको मर्जर कमिटीले माछापुच्छ्रे बैंकसँग मर्जका लागि कुराकानी अगाडी बढाएको थियो ।
माछापुच्छ्रे बैंकसँग सेन्चुरीले १००ः ९० को अनुपातमा मर्जरमा जाने प्रस्ताव राखेका थियो । तर माछापुँछ्रे बैंकको मर्जर कमिटिले डिडिएपछि मात्र सेयर स्वाप रेसियोको बारेमा निर्णय लिने अडान राखेपछि सेन्चुरीले अन्य बैंकहरुसँग पनि मर्जरका लागि कुराकानी अगाडी बढाएको हो ।
पछिल्लो समयमा हिमालयन बैंक र नेपाल इन्भेष्टमेन्ट बैंकलाई जसरी भएपनि मर्ज गर्नैपर्ने बाध्यताका कारण दुवै बैंकले अनौपचारिक रुपमा सेन्चुरीसँग मर्जका लागि कुराकानी अगाडी बढाएको सेन्चुरी बैंकका एक संचालकले जानकारी दिए ।
उनका अनुसार सेन्चुरीले हिमालयन बैंकसँग अलि बढी नै आशा राखेको छ।
बैकिङ क्षेत्रमा राम्रो गरिरहेको हिमालयन बैंकको संस्थागत सुसासन भने निक्कै राम्रो छ । त्यसैले पनि सेन्चुरी बैंंक भने हिमालयन बैंकले ल्याउने मर्जरको प्रस्तावको पर्खाइमा छ ।
सेन्चुरी बैंकमा पनि लगानीकर्ताहरुको बर्चश्व काठमाडौका श्रेष्ठ समुदायको छ भने हिमालय बैंकमा पनि पछिल्लो समयमा श्रेष्ठ समुदाय नै बढी हावी भइरहेका छन् । उनीहरुकै कारण नेपाल इन्भेष्टमेन्ट बैंकसँगको मर्जर तोडिएको आरोप लागिरहेको छ ।
त्यसैले पनि उनीहरु आफ्नो बैंकसँग संस्कार मिल्ने खालका बैंक खोजीरहेको र सेन्चुरीसँग पनि अनौपचारिक कुराकानी भइरहेको हिमालयन बैंकका एक संचालकले बताए ।
उसो त हिमालयन बैंकले मेगा, सिभिल, सिटिजन्स लगायतका पछिल्लो समयमा आएका वित्तिय रुपमा कमजोर देखिएका बैंकहरुसँग पनि मर्जरका लागि कुरानकानी अगाडी बढाइ रहेको छ । तर सेन्चुरी भने अन्यलाई उछिनेर हिमालयन बैंकसँगको मर्जका लागि लालायित देखिएको छ ।
“यदी हिमालयन बैंकले मर्जरका लागि प्रस्ताव गरेको खण्डमा हामीले आँखा चिम्लेर हुन्छ भन्छौ”, ति संचालकले भने । मर्जमा नगई नहुने भएपछि प्रस्ताव आएमा हिमालयन बैंक रोजिने पनि ति संचालकले भने ।
तर हिमालयन बैंकले भने सैद्धान्तिक सहमति नलिइ कुनैपनि बैंकसँग मर्ज गरिने भन्ने विषयमा मुख नखोल्ने बताएको छ । हिमालयन बैंक र नेपाल इन्भेष्टमेन्ट बैंकले मर्जको लागि सैद्धान्तिक सहमति लिएपछि पनि मर्ज भाडिएको थियो ।
एनआरएनका संस्थापक अध्यक्ष रहेका उपेन्द्र महतोको अगुवाइमा स्थापना भएको माछापुच्छ्रे र एनआरएनका पुर्व अध्यक्षको लगानी रहेको प्रभु बैंकसँगको मर्जर सम्बन्धी कुराकानी भने हाल आएर रोकिएको छ।
वि.सं.२०७८ माघ २० बिहीवार १०:५७ मा प्रकाशित
