काठमाडौं । भोलि अर्थात माघ २१ गते शुक्रबार तीन कम्पनीको साधारण सभा हुँदैछ । उक्त दिन दुई इन्स्योरेनस कम्पनीसहित तीन कम्पनीको सभा हुने भएको हो ।
शुक्रबार एशियन लाइफ इन्स्योरेन्स, प्रिमियर इन्स्योरेन्स र ग्रीन लाइफ हाइड्रोपावर कम्पनीले सभा गर्दैछन् । सभामा लाभांश पारित गर्ने मुख्य एजेण्डा रहेको छ ।
भोलि एशियन लाइफको १३ औं वार्षिक साधारण सभाले २७ प्रतिशत लाभांश पारित गर्नेछ ।
कम्पनीको सभाले आर्थिक वर्ष २०७६/७७ को मुनाफाबाट सेयरधनीहरुलाई २५ प्रतिशत बोनस सेयर र कर सहित २ प्रतिशत नगद लाभांश वितरण गर्ने प्रस्ताव पारित गर्नेछ । सभा प्रयोजनका लागि कम्पनीले माघ १२ गते बुक क्लोज गरेको छ ।
यस्तै, माघ २१ गते शुक्रबार नै हुने प्रिमियर इन्स्योरेन्सको साधारण सभाले पनि प्रस्तावित लाभांश पारित गर्ने मुख्य एजेण्डा रहेको छ ।
कम्पनीको साभाले १५ प्रतिशत लाभांश पारित गर्नेछ । कम्पनीले सेयरधनीहरुलाई १४.२५ प्रतिशत बोनस सेयर र कर प्रयोजनका लागि ०.७५ प्रतिशत नगद लाभांश दिने प्रस्ताव गरेको छ । सभा प्रयोजनका लागि कम्पनीले माघ ५ गतेदेखि २१ गतेसम्म बुक क्लोज गरेको छ ।
त्यसैगरि सोही दिन (माघ २१) गते ग्रीन लाइफ हाइड्रोपावर कम्पनीले सभा गर्ने भएको छ । कम्पनीले भने लगानीकर्तालाई लाभांश नदिने भएको छ ।
कम्पनीको सभाले सञ्चालक समितिको प्रतिवेदन उपर छलफल गरी पारित गर्ने, लेखापरीक्षकको प्रतिवेदनसहित आर्थिक वर्ष २०७७/७८ को वित्तिय विवरणहरु उपर छलफल गरी पारित गर्नेछ ।
सभामा कम्पनी ऐन, २०६३ को दफा १११ अनुसार आर्थिक वर्ष २०७८/७९ को लागी लेखापरीक्षण गर्न लेखापरीक्षकको नियुक्ति गर्ने र निजको पारिश्रमिक निर्धारण गर्ने लगायतका प्रस्ताव पारित गर्नेछ । सभा प्रयोजनका लागि कम्पनीले माघ ९ गते बुक क्लोज गरेको छ ।
वि.सं.२०७८ माघ २० बिहीवार १६:३१ मा प्रकाशित
