काठमाडौं । विजय लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले चालु आवको ६ महिनाको अवधिमा ६ करोड ८४ लाख ५९ हजार रुपैयाँ नाफा कमाएको छ । जुन गत वर्षको सोही अवधिको तुलनामा ६.१० प्रतिशतले कमी हो । गत वर्षको पुस मसान्तसम्ममा भने कम्पनीले ७ करोड २९ लाख १३ हजार रुपैयाँ नाफा गरेको थियो ।
चालु आवको पुस मसान्तसम्ममा कम्पनीको खुद ब्याज आम्दानी २३.२२ प्रतिशतले वृद्धि भई १९ करोड १५ लाख ३४ हजार पुर्याएको छ । गत वर्षको सोही अवधिमा कम्पनीको खुद ब्याज आम्दानी १५ करोड ५४ लाख ३५ हजार रुपैयाँ रहेको छ ।
कम्पनीको संचालन मुनाफा ९ करोड ६१ लाख ५१ हजार रुपैयाँ रहेको छ । कम्पनीको यो मुनाफा गत वर्षको तुलनामा भने १२.३८ प्रतिशतले बढी हो । गत वर्षको सोही अवधिमा कम्पनीको यो मुनाफा ८ करोड ५५ लाख ५८ हजार रुपैयाँ रहेको छ ।
कम्पनीको चुक्ता पुँजी ३२ करोड रुपैयाँ रहेको छ । कम्पनीले जगेडा तथा कोषमा भने १९ करोड २४ लाख २४ हजार रुपैयाँ राखेको छ ।
उक्त अवधिमा कम्पनीको खराब कर्जा भने १.४२ प्रतिशतले वृद्धि भई ४.६३ प्रतिशत पुगेको छ । कम्पनीको प्रतिससेयर आम्दानी ४२ रुपैयाँ ७५ पैसा र प्रतिसेयर नेटवर्थ १६० रुपैयाँ १३ पैसा रहेको छ ।
वि.सं.२०७८ माघ २३ आइतवार १३:५० मा प्रकाशित