काठमाडौ । फागुन १६ गतेभित्र मिलेनियम च्यालेन्ज कर्पोरेसन (एमसीसी) पास गराइसक्न अमेरिकाले समयसिमा दिदै पत्र पठाएको छ । नेपालमा विभिन्न राजनीतिक दलविच एमसीसीबारे विभेद भइरहेका बेला संसोधन नगरीकनै संसदबाट फागुन १६ गतेभित्र पास गराउन अमेरिकाले पत्राचार गरेको हो ।
गत विहिबार एमसीसीका कार्यवाहक प्रमुख कार्यकारी अधिकृत महमूद बाहले प्रधानमन्त्री शेरबहादुर देउवा र नेकपा केन्द्रका अध्यक्ष पुष्पकमल दाहाल (प्रचण्ड) लाई सम्बोधन गर्दै लेखिएको पत्रमा अमेरिका एमसीसी सम्झौताको कार्यान्वयनका लागि लामो समय कुर्न नसक्ने स्पष्ट पारेका हुन् ।
अनलाईन खवररले भने एमसीसीका कार्यबाहक महमुद वाहले पठाएको पत्र नै सार्वजनिक गरेको छ । सो पत्र गुपचुप राख्न खोजेको उसको दावी छ । प्रधानमन्त्री देउवा र अध्यक्ष प्रचण्डले एमसीसीको संचालकहरुलाई पत्र पठाउदै केही महिनाको समय माग गरेका थिए । उनीहरुले सो समयावधिमा एमसीसी पास गराउनका लागि सकारात्मक वातावरण बनाउने योजना सहित पत्र पठाएको खुलेको छ ।
सो समयावधिभित्र अनुमोदन नभए नेपालसँगको एमसीसी संझौता रद्ध गर्ने पनि अमेरिकाले जनाएको छ । त्यस्तै उक्त सम्झौतालाई निरन्तरता दिनेबारे नेपालको ‘सार्वभौम रोजाई’ हुने पनि एमसीसीले जनाएको छ ।
यता कान्तिपुर दैनिकसँगको कुराकानीमा भने एमसीसी मुख्यालयकी उपाध्यक्ष फातिमा सुमारले एमसीसी सम्झौतामा कुनैपनि संशोधन नहुने बताएको उल्लेख छ ।
वि.सं.२०७८ माघ २३ आइतवार १३:२१ मा प्रकाशित
