काठमाडौं । साताको दोस्रो कारोबार दिन सुनको मूल्य वृद्धि भएको छ । सोमबार नेपाली बजारमा छापावाला सुनको मूल्य प्रतितोला १ सय रुपैयाँले वृद्धि भएको हो ।
अघिल्लो दिन ९२ हजार ५ सय रुपैयाँमा कारोबार भएको सुन आज बढेर ९२ हजार ६ सय रुपैयाँ पुगेको हो ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य भने ९२ हजार १ सय रुपैयाँ तोकिएको छ । आइतबार तेजावी सुन ९२ हजार रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि वृद्धि भएको छ । आज चाँदी प्रतितोला ५ रुपैयाँले वृद्धि भई १ हजार २५५ रुपैयाँ पुगेको छ । अघिल्लो दिन भने १ हजार २५० रुपैयाँमा कारोबार भएको महासंघले जनाएको छ ।
वि.सं.२०७८ माघ २४ सोमवार १०:४९ मा प्रकाशित