काठमाडौं । समृद्धि फाइनान्सको हकप्रद सेयर आउँदो फागुन ८ गतेदेखि निष्काशन हुने भएको छ ।
कम्पनीले १ सय रुपैयाँ अंकित दरका २७ करोड २९ लाख ७० हजार ५०० रुपैयाँ बराबरको २७ लाख २९ हजार ७०५ कित्ता हकप्रद सेयर निष्काशन गर्न लागेको हो ।
उक्त हकप्रद सेयरमा फागुन २९ गतेसम्म आवेदन दिन सकिने कम्पनीले जनाएको छ । हकप्रद निष्कासनका लागि कम्पनीले पुस ११ गते बुकक्लोज गरेको थियो । जसअनुसार पुस १० गतेसम्मका सेयरधनीहरुले मात्र उक्त हकप्रदमा आवेदन दिन सक्नेछन् ।
कम्पनीले हकप्रद सेयर निष्कासन गर्न नियामक निकाय नेपाल धितोपत्र बोर्डबाट गत मंसिर २९ गते अनुमति पाएको थियो ।
कम्पनीको हकप्रद सेयरको बिक्री प्रबन्धक बिओके क्यापिटल मार्केट लिमिटेड रहेको छ ।
वि.सं.२०७८ माघ २५ मंगलवार १२:३७ मा प्रकाशित
