काठमाडौँ । सानिमा जनरल इन्स्योरेन्स कम्पनीले चालु आर्थिक वर्षको दोस्रो त्रैमासमा आउँदा खुद नाफा ९५ प्रतिशतले बढाएको छ ।
कम्पनीले आज सार्वजनीक गरेको चालु आर्थिक वर्षको दोस्रो त्रैमासको अपरिष्कृत वित्तीय विवरण अनुसार अघिल्लो आर्थिक वर्षको सोही अवधिको तुलनामा यो आर्थिक वर्षको नाफा ९५.६४ प्रतिशतले बढेको पाईएको हो ।
कम्पनीले समिक्षा अवधिमा ५ करोड ८० लाख रुपैयाँ खुद नाफा आर्जन गरेको छ । गत आर्थिक वर्षको सोही अवधिमा कम्पनी २ करोड ९६ लाख रुपैयाँ खुद नाफा आर्जन गरेको थियो ।
चालु आर्थिक वर्षको पहिलो ६ महिनामा आइपुग्दा कम्पनीको बीमा कोषमा १२ करोड १८ लाख रुपैयाँ रहेको छ । गत आर्थिक वर्षको सोही अवधिमा कम्पनीको बीमा कोषमा ७ करोड १४ लाख रुपैयाँ थियो ।
त्यसैगरी कम्पनीको चुक्तापुजीँ १ अर्ब रुपैयाँ रहेको छ भने जगेडा कोषमा ११ करोड १८ लाख रुपैयाँ संचिती रहेको छ । गत आर्थिक वर्षको सोही अवधिमा कम्पनीको जगेडा कोषमा ६ करोड ३१ लाख रुपैयाँ संचिती थियो ।
कम्पनीले यो अवधिमा खुद बीमा शुल्क आर्जनमा पनि वृद्धि गरेको छ । गत आर्थिक वर्षमा ८ करोड ५५ लाख रुपैयाँ खुद बीमा शुल्क आर्जन गरेको कम्पनीले यस आर्थिक वर्षको दोस्रो त्रैमाससम्ममा १४ करोड ८१ लाख रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन ७३ दशमलव २७ प्रतिशतले बढी हो ।
समिक्षा अवधिमा कम्पनीले ३ करोड ५५ लाख रुपैयाँ खुद दाबी भुक्तानी गरेको छ । गत आर्थिक वर्षको सोही अवधिको तुलनामा कम्पनीको खुद दाबी भुक्तानी ३ दशमलव ४१ प्रतिशतले बढी हो । गत आर्थिक वर्षको सोही अवधिमा कम्पनीले २ करोड १७ लाख रुपैयाँ खुद दाबी भुक्तानी गरेको थियो ।
यस अवधिमा कम्पनीको प्रति शेयर आम्दानी ११ रुपैयाँ ६२ पैसा रहेको छ । प्रति शेयर नेटवर्थ १२४ रुपैयाँ ३० पैसा रहेको छ । मुल्य आम्दानी अनुपात ५४.४१ गुणा रहेको छ ।
वि.सं.२०७८ माघ २५ मंगलवार १२:३९ मा प्रकाशित