काठमाडौं । रिलायन्स लाइफ इन्स्योरेन्स कम्पनीले चालु आर्थिक वर्षको दोस्रो त्रैमाशिक अवधिमा ७ करोड ६० लाख ३४ हजार रुपैयाँ खुद मुनाफा आर्जन गरेको छ । यो गत आर्थिक वर्षको सोही अवधिको तुलनामा ३१.३२ प्रतिशतले बढी हो । अघिल्लो आर्थिक वर्षको समिक्षा अवधिमा कम्पनीले ५ करोड ७८ लाख ९९ हजार रुपैयाँ खुद मुनाफा आर्जन गरेको थियो ।
सार्वजनीक अपरिस्कृत वित्तीय विवरण अनुसार कम्पनीले पुस मसान्तसम्ममा एक अर्ब ३५ करोड रुपैयाँ बीमा शुल्क आर्जन गरेको छ । यस्तो शूल्क गत वर्षको यहि अवधिमा कम्पनीले एक अर्ब २२ करोड रुपैयाँ आर्जन गरेको थियो ।
यस वर्ष अभिकर्ताको कमिशन रकममा पनि उल्लेख्य वृद्धि भएको छ । अभिकर्ताले यस वर्ष २३ करोड ७७ लाख रुपैयाँ कमिशन प्राप्त गरेका छन् । जबकी गत वर्षको यहि अवधिमा कम्पनीहरुले अभिकर्तालाई १९ करोड ८८ लाख रुपैयाँ मात्रै दिएको थियो ।
यस वर्षको कुल बीमा शुल्क आर्जन भने एक अर्ब ४४ करोड रुपैयाँ रहेको छ । हालसम्मकै कुला बीमा शुल्क आर्जन भने ६ अर्ब २८ करोड रुपैयाँ छ । हाल कम्पनीमा कायम रहेको बीमालेख संख्या भने एक लाख ६९ हजार ६०० वटा रहेको छ । खुद दाबी भुक्तानी भने २८ करोड ६३ लाख रुपैयाँ छ ।
चुक्ता पूँजी २ अर्ब १० करोड रहेको कम्पनीको जगेडा कोषमा १८ करोड १७ लाख रुपैयाँ मात्रै छ । जीवन बीमा कोषमा भने तीन अर्ब ३६ करोड रुपैयाँ रहेको छ । प्रतिशेयर आम्दानी भने ७ रुपैयाँ छ ।
यस्तो वित्तीय अवस्था भएको रिलायन्सको प्रतिशेयर आम्दानी ७.२४ रुपैयाँ रहेको छ । प्रति शेयर नेटवर्थ ११०.२० रुपैयाँ रहेको छ ।
वि.सं.२०७८ माघ २७ बिहीवार ११:४६ मा प्रकाशित