काठमाडौं । साताको अन्तिम कारोबार दिन सेयर बजारमा गिरावट आएको छ । आज पनि बजार दोहोरो अंकले घटेको हो ।
बिहीवार बजार ११.९६ अंकले घटेको छ । उक्त दिन बजार परिसुचक २८०१.५६ अंकको बिन्दुमा पुगेर बन्द भएको छ ।
उक्त दिन व्यपारा समूह ४६.४६ अंक, म्युचुअल फण्ड शून्य र अन्य १२.५१ अंकले वृद्धि भएको छ । आज यी बाहेक सबै समूहहरु राताम्मे बनेका छन् ।
आज कारोबार रकममा भने झिनो सुधार भएको छ । उक्त दिन ३ अर्ब ८२ करोड ९५ लाख ३३ हजार रुपैयाँ बराबरको सेयर कारोबार भएको हो ।
आज सबैभन्दा बढी नेपाल दुरसञ्चार कम्पनीको २५ करोड ४८ लाख ३९ हजार रुपैयाँ बराबरको सेयर कारोबार भएको छ ।
कारोबार रकमकै आधारामा दोस्रो स्थानामा रहेको नेशनल हाइड्रोपावर कम्पनीको २२ करोड ४० लाख १५ हजार रुपैयाँ बराबरको सेयर खरिदबिक्री भएको छ ।
वि.सं.२०७८ माघ २७ बिहीवार १५:१३ मा प्रकाशित
