काठमाडौं । कालिका पावर कम्पनीले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरिेको छ ।
विवरण अनुसार कम्पनीको चालु आवको पुस मसान्तसम्ममा ६ करोड २८ लाख १० हजार रुपैयाँ नाफा कमाएको छ । कम्पनीको यो नाफा गतवर्षको सोही अवधिको तुलनामा भने १७.१७ प्रतिशतले बढी हो । गत वर्षको पुस मसान्तमा कम्पनीले ५ करोड ३६ लाख ३ हजार रुपैयाँ नाफा गरेको थियो ।
चालु आवको ६ महिनामा कम्पनीले विद्युत बिक्रीबाट ११ करोड ६१ लाख ४ हजार रुपैयाँ आम्दानी गरेको छ । जुन गत वर्षको सोही अवधिको तुलनामा २.९५ प्रतिशतले बढी हो । गत वर्षको पुस मसान्तसम्ममा कम्पनीको यो आम्दानी ११ करोड २७ लाख ७३ हजार रुपैयाँ रहेको थियो ।
कम्पनीको ६० करोड रुपैयाँ रहेको छ । कम्पनीले जगेडा कोषमा २० करोड ६१ लाख ५८ हजार रुपैयाँ राखेको छ ।
कम्पनीको प्रतिसेयर आम्दानी २० रुपैयाँ ९४ पैसा र प्रतिसेयर नेटवर्थ १३४ रुपैयाँ ३६ पैसा रहेको छ ।
वि.सं.२०७८ माघ २७ बिहीवार १४:५२ मा प्रकाशित
