काठमाडौँ । साताको तेस्रो कारोबार दिन आज बजारमा हरियाली छाएको छ । यो दिन सेयर बजार मापक नेप्से परिसूचक ५३.३० अङ्कले बढेर २७५४.२८ बिन्दूमा कायम भएको हो ।
अघिल्लो कारोबार दिन भारी अंकले बढेको बजार गत कारोबार दिनमा स्थिरता देखाएको थियो । हिजो नेपाल धितोपत्र बोर्ड अध्यक्षको लागि सर्ट लिस्टमा तीन जनाको नाम आएसँगै बजार बढेको देखिन्छ । बजार तथा बजारसँग संबन्धित क्षेत्रहरुको नियामक निकाय बोर्डमा अध्यक्ष आउने पक्का भएसँगै लगानीकर्ता हौसिएका हुन् ।
यो दिन सेन्सेटिभ इन्डेक्स पनि १०.८३ अंकले वृद्धि भएर ५२२.१३ बिन्दुमा रोकिएको छ ।
साथै आज कारोबारमा आएका २२४ स्क्रिप्टको ६३ लाख ४३ हजार २२८ कित्ता शेयर ३ अर्ब २३ करोड ३३ लाख १८ हजार ६१४ रुपैयाँमा खरिद विक्री भएको छ ।
साथै यो दिन न्यादी हाईड्रो पावरको सेयर मूल्यमा सकरात्मक सर्किट लागेर बन्द भएको छ ।
वि.सं.२०७८ फागुन ३ मंगलवार १५:३५ मा प्रकाशित