काठमाडौँ । आज नेपाली सेयर बजारमा लगानी गर्ने १४ कम्पनीका लगानिकर्ताले ६ प्रतिशत भन्दा बढी कमाएका छन् ।
अर्थात यी १४ कम्पनीको सेयरमूल्यमा ६ प्रतिशत भन्दा बढी वृद्धि भएको हो ।
यसो त आज न्यादी हाईड्रोपावरको सेयर मूल्यका सकरात्मक सर्किट नै लागेको छ । कम्पनीको सेयर मूल्य ४४रुपैयाँ ५० पैसाले बढ्दा सर्किट लाग्न पुगेको हो । यो सँगै कम्पनीको सेयरमूल्य प्रतिकित्ता ४ सय ८९.५० पैसा पुगेको हो ।
यता तेह्रथुम पावर कम्पनीको सेयरमूल्यमा पनि उछाल आएको छ । यो कम्पनीको सेयरमूल्य आज ८.७० प्रतिशत अर्थात ४८ रुपैयाँले बढेर ६ सय रुपैयाँ कायम भएको छ ।
त्यस्तै हिमालयन उर्जा विकास कम्पनी, कालिका पावर कम्पनी, छ्याङ्दी हाईड्रो पावर, सिनर्जी पावर डेभलपमेन्ट र नारायणी विकास बैंकको सेयर मूल्यमा ७ प्रतिशत भन्दा बढीले वृद्धि भएको छ । यसैगरी राधि विद्युत कम्पनी, जीवन विकास लघुवित्त, विजय लघुवित्त वित्तिय संस्था, घलेम्दी हाईड्रो, रुरु जलविद्यृुत परियोजना, नेरुडे लघुवित्ति विकास बैंक र पञ्चकन्या माई हाईड्रोको सेयर मूल्यमा ६ प्रतिशत भन्दा बढीले वृद्धि भएको हो ।
वि.सं.२०७८ फागुन ३ मंगलवार १५:५५ मा प्रकाशित
