काठमाडौं । बुधवार सेयर बजार दोहोरो अंकले घटेको छ । उक्त दिन बजार १९.८४ अंकले घटेको हो ।
आज बजार परिसुचक २७३४.४४ अंकको बिन्दुमा पुगेर बन्द भएको छ । उक्त दिन लाइफ इन्स्योरेन्स २०.६६ अंक र अन्य समूह १०.२ अंकले वृद्धि भएको छ । यी बाहेकका अन्य समूहहरु सबै राताम्मे बनेका छन् ।
आज कारोबार रकम पनि गिरावट देखिएको छ । मंगलबार साढे ३ अर्ब बढीको कारोबार भएकोमा आज भने घटेर ३ अर्ब २ करोड ६३ लाख ३० हजार रुपैयाँमा सिमित भएको छ ।
उक्त दिन अपि पावरको सबैभन्दा बढी २१ करोड १४ लाख ६५ हजार रुपैयाँ बराबरको सेयर कारोबार भएको छ ।
कारोबार रकमकै आधारमा दोस्रो स्थानमा रहेको नेशनल हाइड्रोपवारको १७ करोड ७८ लाख ४७ हजार रुपैयाँ बराबरको सेयर खरिदबिक्री भएको हो ।
यस्तै, उक्त दिन अरुण भ्याली हाइड्रोपावरको १६ करोड ८ लाख ७१ हजार रुपैयाँ बराबरको सेयर कारोबार भएको छ ।
वि.सं.२०७८ फागुन ४ बुधवार १५:१४ मा प्रकाशित