काठमाडौं । नेपाल स्टक एक्सचेञ्ज(नेप्से)मा यस साता १६ कम्पनीको बोनस सेयर सचीकृत भएको छ ।
यस साता नेप्सेमा ६ वटा वाणिज्य बैंक, ४ वटा विकास बैंकसहित १६ कम्पनीको ९ करोड ८० लाख ५६ हजार ७६० कित्ता बोनस सेयर सूचीकृत भएको हो ।
साताको अन्तिम कारोबार दिन अर्थात बिहीबार नेपाल इन्फ्रास्ट्रक्चर बैंक, सिभिल बैंक र शाइन रेसुङ्गा डेभलपमेन्ट बैंकको कित्ता बोनस सेयर नेप्सेमा सूचीकृत भएको छ ।
जसमध्ये निफ्राको १ करोड ६० लाख कित्ता, सिभिल बैंकको ४३ लाख २१ हजार ८३०.४२ कित्ता, शाइन रेसुङ्गा डेभलपमेन्ट बैंकको ३७ लाख २५ हजार ४५१.०५२५ कित्ता बोनस सेयर नेप्सेमा सूचीकृत भएको हो ।
नेप्सेमा बुधवार स्ट्याण्डर्ड चाटर्ड बैंकको १० प्रतिशत बोनस सेयर नेप्सेमा सूचीकृत भएको छ । बैंकको ८५ लाख ७२ हजार २३०.८१ कित्ता बोनस सेयर सूचीकृत भएको हो ।
नेप्सेमा साताको तेस्रो कारोबार दिन अर्थात मंगलबार नेपाल इन्भेष्टमेन्ट बैंकको २ करोड ५ लाख २ हजार ११८.२३ कित्ता, मेरो माइक्रोफाइनान्स लघुवित्तको २० लाख कित्ता, महिला लघुवित्तको ४ लाख ७५ हजार कित्ता सेयर र सिभिल लघुवित्तको ४ लाख ६० हजार ३०.६२१ कित्ता बोनस सेयर सूचीकृत भएको हो ।
गत सोमबार नेप्सेमा नेपाल ल्युव आयलको ९० हजार ५३ कित्ता र ज्याति विकास बैंकको ४२ लाख २९ हजार ३०५.०६ कित्ता बोनस सेयर सूचीकृत भएको छ ।
त्यसैगरि यस साताको पहिलो कारोबार दिन अर्थात आइतबार ६ कम्पनीको बोनस सेयर सूचीकृत भएको छ ।
जसमध्ये नेपाल क्रेडिट एण्ड कमर्स(एनसीसी) बैंकको ८२ लाख ५१ हजार ६१३.३४ कित्ता, मुक्तिनाथ विकास बैंकको ८४ लाख ५६ हजार ३ सय कित्ता, आईसीएफसी फाइनान्सको १० लाख २८ हजार ४९४ कित्ता, हिमालयन डिस्टीलरीको ६५ लाख ७ हजार ७६७.८१ कित्ता, बैंक अफ काठमाण्डूको ९६ लाख ५८ हजार १७६.४२९० कित्ता र लुम्बिनी विकास बैंकको ३७ लाख ७८ हजार ३८९.६१ कित्ता बोनस सेयर सूचीकृत भएको हो ।
वि.सं.२०७८ फागुन ६ शुक्रवार १२:२९ मा प्रकाशित