काठमाडौं । गत बुधवार इमर्जिङ्ग नेपालको आइपिओ बाँडफाँड भएको छ । कम्पनीको आईपीओ ५१ हजार ६७० जनाले गोला प्रथाबाट १०/१० कित्ता सेयर पाएका छन् ।
कम्पनीले माघ २६ गतेदेखि प्रतिकित्ता १०० रुपैयाँको दरमा निष्काशन गरेको ५ लाख ५५ हजार ६०० कित्ता आइपीओमा २ अर्ब ७९ करोड ३६ लाख ३६ हजार रुपैयाँको आवेदन परेको थियो ।
बिक्री प्रबन्धक एनआइसी एसिया क्यापिटलका अनुसार २४ लाख २५ हजार ५३१ जनाले २ करोड ७९ लाख ३६ हजार ३६०० कित्ताका लागि आवेदन दिएका थिए ।
कम्पनीले निष्काशन गरेको कुल सेयरमध्ये ११ हजार ११२ कित्ता सेयर कर्मचारी, २७ हजार ७८० कित्ता म्युचुअल फन्ड र बाँकी रहेको ५ लाख १६ हजार ७०८ कित्ता सर्वसाधारण छुट्याएको थियो ।
कम्पनीको आईपीओले नेपाल स्टक एक्सचेञ्ज(नेप्से)बाट पहिलो कारोबारको लागि १०५ रुपैयाँ ११ पैसादेखि ३१५ रुपैयाँ ३३ पैसाम्म ओपन रेञ्ज पाउने देखिएको छ ।
कम्पनीको आर्थिक वर्ष २०७७/७८ को वास्तवित नेटवर्थ १०५ रुपैयाँ ११ पैसा रहेको छ । यसकै आधारमा कम्पनीले उक्त रेञ्ज पाउने देखिएको हो ।
नेप्सेले पहिलो कारोबारको लागि नेटवर्थको तीन गुणासम्म मूल्य रेञ्ज तोक्ने भएकाले कम्पनीले उक्त रेञ्ज पाउने भएको हो ।
वि.सं.२०७८ फागुन ६ शुक्रवार १३:४१ मा प्रकाशित