काठमाडौं । प्रहरी प्रधान कार्यालय केन्द्रीय अनुसन्धान ब्युरो (सीआईबी) ले बैंकिङ्ग कसूर मुद्दामा फरार व्यक्तिलाई पक्राउ गरेको छ ।
प्रहरीले नुवाकोटको शिवपुरी गाउपालिका–८ घर भई हाल काठमाडौं तारकेश्वर नगरपालिका–१० बस्ने रामप्रदास पाण्डेलाई पक्राउ गरेको हो । उनले मनमैजुमा श्रृष्टि प्रफुल सप्लायर्स संचालन गर्दै आएका छन् ।
उनले एनआईसी एशिया बैंक मनमैजु शाखामा रहेको आफ्नो खातामा पर्याप्त मौज्दात रकम नभएको भन्ने जानी जानी झुक्यानमा पारि चेक काटेर दिएका थिए ।
उच्च अदालत पाटनले गत माघ २ गते उक्त चेकको भुक्तान हुन नसकेको ठहर गर्दै बैंकिङ्ग कसूर तथा सजाय ऐन २०६४ बमोजिम २२ लाख रुपैयाँ जरिवाना र ५ दिन कैद हुने फैसला गरेको थियो ।
प्रहरीले उनलाई फागुन ९ गते अर्थात सोमबार नेपालटारबाट पक्राउ गरि फैसाला कार्यान्वयनका लागि आज (फागुन १० गते) ललितपुर जिल्ला अदालतमा पेश गरेको जनाएको छ ।
वि.सं.२०७८ फागुन १० मंगलवार १४:२९ मा प्रकाशित