काठमाडौं । साताको चौंथो कारोबार दिन दुई कम्पनीको सेयर मूल्यमा उछाल आएको छ ।
उक्त दिन दिव्यश्वरी हाइड्रोपावर र युनाईटेड इदी मर्दी आरिब हाइड्रोपावर कम्पनीको सेयर मूल्यमा सकरात्मक सर्किट लागेको हो ।
बुधवार दिव्यश्वरी हाइड्रोपावरको सेयर मूल्य १० प्रतिशत अर्थात प्रतिकित्ता ३२ रुपैयाँ ७० पैसाले वृद्धि भएको हो । योसंगै आज कम्पनीको सेयर मूल्य ३५९ रुपैयाँ ७० पैसा कायम भएको छ ।
उक्त दिन युनाईटेड इदी मर्दी आरबिको सेयर मूल्य पनि १० प्रतिशत अर्थात प्रतिकित्ता ९१ रुपैयाँ ८० पैसाले वृद्धि भई १ हजार १० रुपैयाँ कायम भएको छ ।
यस्तै, उक्त दिन घलेम्दी हाइड्रोको सेयर मूल्य ९.२२ प्रतिशत अर्थात प्रतिकित्ता ३२ रुपैयाँले वृद्धि भई ३७९ रुपैयाँ र तेह्रथुम पावरको ८.८४ प्रतिशत अर्थात प्रतिकित्ता ६७ रुपैयाँले बढेर ८२५ रुपैयाँ कायम भएको छ ।
आज रुरु जलविद्युत परियोजनाको सेयर मूल्य ७.४८ प्रतिशत, सामलिङ पावरको ६.८४ प्रतिशत, आरविवि म्युचुअल फण्ड–१को ५.८८ प्रतिशत, मध्य भोटेकोशीको ५.८५ प्रतिशतले वृद्धि भएको छ ।
उक्त दिन यी कम्पनीहरुसहित बुद्धभुमि नेपाल हाइड्रोपावर, मैलुङ खोला जलविद्युत, एनआरएन इन्फ्रास्ट्रक्चर एण्ड डेभलपमेन्ट, जोशी हाइड्रोपावर, कालिका पावर, खानीखोला जलविद्युत लगायतका लगानीकर्ताहरुले उच्च दरमा कमाएका छन् ।
वि.सं.२०७८ फागुन ११ बुधवार १५:४० मा प्रकाशित
