काठमाडौं । बुधवार सेयर बजारमा गिरावट आएको छ । उक्त दिन बजार १५.५० अंकले घटेको छ ।
साताको चौथो कारोबार दिन बजार परिसुचक २७२०.४३ अंकको बिन्दुमा पुगेर बन्द भएको छ । आज ३ अर्ब १३ करोड १२ लाख १० हजार रुपैयाँ बराबरको सेयर कारोबार भएको हो ।
उक्त दिन नेपाल टेलिकमको सबैभन्दा बढी कारोबार भएको छ । आज कम्पनीको १९ करोड ३७ लाख ८५ हजार रुपैयाँ बराबरको सेयर खरिदबिक्री भएको हो । नेपाल स्टक एक्सचेञ्ज(नेप्सेका अनुसार आज कम्पनीको १ लाख १० हजार २१२ कित्ता सेयर किनबेच भएको छ । कम्पनीको सेयर मूल्य प्रतिकित्ता १ हजार ७२६ रुपैयाँ रहेको छ ।
यस्तै, उक्त दिन कारोबार रकमको आधारमा दोस्रो स्थानमा रहेको घलेम्दी हाइड्रोको १२ करोड ८५ लाख २४ हजार रुपैयाँ बराबरको सेयर खरिदबिक्री भएको भएको छ । कम्पनीको आज ३ लाख ४६ हजार ५८५ कित्ता सेयर किनबेच भएको हो । कम्पनीको सेयर मूल्य प्रतिकित्ता ३७९ रुपैयाँ कायम भएको छ ।
यस्तै, आज हिमालयन डिस्टीलरीको ९ करोड ५८ लाख २९ हजार, नेशनल हाइड्रोपावरको ९ करोड ४९ लाख ११ हजार र अपि पावर कम्पनीको ९ करोड ८ लाख २२ हजार रुपैयाँ बराबरको सेयर कारोबार भएको छ ।
वि.सं.२०७८ फागुन ११ बुधवार १५:५२ मा प्रकाशित