काठमाडौं । साताको अन्तिम कारोबार दिन सेयर बजारमा भारी अंकको गिरावट आएको छ । उक्त दिन बजार ५८.९९ अंकले घटेको हो ।
आज बजार परिसुचक २६६१ अंकको बिन्दुमा पुगेर बन्द भएको छ । अघिल्लो दिनको तुलनामा कारोबार रकम भने वृद्धि भएको छ । आज ४ अर्ब २९ करोड ३८ लाख ६४ हजार रुपैयाँ बराबरको सेयर कारोबार भएको हो । उक्त दिन सबै समूहहरु रातम्मे बनेका छन् ।
उक्त दिन दुई कम्पनीको सर्वाधिक कारोबार भएको छ । आज सबैभन्दा बढी नेशनल हाइड्रोपावर कम्पनीको २६ करोड ९७ लाख १६ हजार रुपैयाँ बराबरको सेयर कारोबार भएको हो ।
कारोबार रकमको आधारमा दोस्रो स्थनामा रहेको नेपाल टेलिकमको २५ करोड ३५ लाख ७२ हजार रुपैयाँ बराबरको सेयर कारोबार भएको छ ।
वि.सं.२०७८ फागुन १२ बिहीवार १५:१८ मा प्रकाशित