काठमाडौं । राष्ट्र उत्थान लघुवित्तको आइपीओको बाँडफाँट आज हुने भएको छ । बिक्री प्रबन्धक एनआइबिएल एस क्यापिटलका अनुसार आज दिउँसो ३ः२० बजे आइपीओ बाँडफाँट भएको हो ।
राष्ट्र उत्थानको आइपीओमा ३ अर्ब ५ करोड २० लाख ८८ हजार रुपैयाँ बराबरको आवेदन परेको छ । जसमा २६ लाख ३४ हजार ६२६ जनाले ३ करोड ५ लाख ३१ हजार ३७० कित्ताका लागि आवेदन दिएका थिए । यो सर्वसाधारको लागि बिक्री खुला गरिएको कित्तालाई आधार मान्दा ३८.४२ गुणा बढी आवेदन हो । यसमा मागभन्दा ३८.४२ गुणा बढी आवेदन परेको थियो ।
आइपीओ गोलाप्रथाबाट बाँडफाँट भएको हो । जसमा ७९ हजार ४५० जनाले मात्र सेयर हात पारेका छन् भने बाँकी २५ लाख ५५ हजार १७६ जनाको भने हात खाली भएको छ ।
आईपीओको रिजल्ट हेर्न यहाँ क्लिक गर्नुहोला
1.https://meroshare.cdsc.com.np/#/login,
2. https://iporesult.cdsc.com.np/
4.https://www.niblcapital.com/
कम्पनीले फागुन ४ गतेदेखि ८ करोड ५० लाख रुपैयाँ बराबरको ८ लाख ५० हजार कित्ता आईपीओ निष्काशन तथा बिक्री खुला गरेको थियो ।
कम्पनीले निष्काशन गर्न लागेको कुल ८ लाख ५० हजार कित्ता सेयरमध्ये १३ हजार कित्ता कर्मचारीहरुलाई, ४२ हजार ५०० कित्ता सामूहिक लगानी कोषहरुलाई सुरक्षित गरेको छ भने बाँकी ७ लाख ९४ हजार ५०० कित्ता सर्वसाधारणका लागि छुट्याएको थियो ।
वि.सं.२०७८ फागुन १२ बिहीवार १५:५३ मा प्रकाशित
