काठमाडौं । सानिमा बैंकले क्यूआर कोडबाट भुक्तानी गर्दा क्यास ब्याक पाउने सुविधा दिएको छ ।
बैंकले आफ्ना ग्राहकहरुका लागि नक्साल तरकारी बजारमा सजिलो ई बैंकिङ्ग मार्फत क्यूआर कोडबाट भुक्तानी गर्दा क्यास ब्याकको प्राप्त गर्न सकिने सुविधा दिएको हो ।
उक्त योजना फागुनदेखि २०७९ बैशाख मसान्त सम्मका लागि लागू हुने बैंकले जनाएको छ । नक्साल तरकारी बजारमा सानिमा बैंकका ग्राहकले बैंकको मर्चेन्टसँग क्यूआर स्क्यान गरी भुक्तानी गर्दा प्रति कारोबारमा २ प्रतिशत वा अधिकतम २० रुपैयाँ क्यास प्राप्त गर्न सकिनेछ ।
यसका साथै मासिक अधिकतम ५ सय रुपैयाँसम्मको क्यास ब्याक प्राप्त गर्न सक्नुहुनेछ । क्यास ब्याक वापत रकम आगामी महिनाको पहिलो हप्ता ग्राहकको खातामा जम्मा गरिनेछ ।
ग्राहकहरुले गुगल प्लेस्टोर एपबाट सानिमा सजिलो ई बैंकिङ्ग एप डाउनलोड गरी नजिकैको शाखाबाट कारोबार सुचारु गर्न सक्नुहुनेछ । सानिमा बेंकको देशभर सातै प्रदेशमा गरी १२३ वटा कार्यालय तथा १०३ वटा एटीएम संचालनमा रहेका छन् ।
वि.सं.२०७८ फागुन १३ शुक्रवार १२:०० मा प्रकाशित
