काठमाडौं । नेको इन्स्योरेन्स कम्पनीले बुक क्लोजका लागि मिति तय गरेको छ । कम्पनीले आगामी साधारणसभा तथा लाभांश वितरण प्रयोजनका लागि चैत १ गते बुक क्लोज गर्ने भएको हो ।
कम्पनीले १५.७९ प्रतिशत लाभांश पारित गर्न कम्पनीले चैत ९ गतेको लागि बार्षिक साधारणसभा बोलाएको छ । उक्त सभामा फागुन मसान्त अर्थात ३० गतेसम्म कायम रहेका लगानीकर्ताले सभामा भाग लिन र लाभांश प्राप्त गर्न सक्नेछन् ।
कम्पनीले लगानीकर्तालाई १५ प्रतिशत बोनस र कर प्रयोजनको लागि ०.७९ प्रतिशत नगद लाभांश दिने प्रस्ताव गरेको छ ।
वि.सं.२०७८ फागुन १८ बुधवार १३:३६ मा प्रकाशित