काठमाडौं । शाइन रेसुङ्गा डेभलपमेन्ट बैंकले संस्थापक सेयर बिक्री गर्ने भएको छ । बैंकले संस्थापक सेयधरनीहरुको नाममा रहेको १ लाख ९९ हजार कित्ता संस्थापक सेयर बिक्री गर्न लागेको हो ।
बैंकले संस्थापक सेयरधनी प्रुडेन्सियल क्यापिटल म्यानेजमेन्टको नाममा रहेको १ कित्ता, प्रुडेन्सियल क्यापिटल म्यानेजमेन्टको ५९ हजार कित्ता, प्रतिमा अर्यालको नाममा रहेको ४५ हजार ९९१ कित्ता र धन बहादुर कार्कीको ३ हजार २४३ कित्ता संस्थापक सेयर बिक्री गर्न लागेको हो ।
उक्त सेयरहरुको बिक्री गर्न चाहेको रकम भने क्रमशः २७० रुपैयाँ, २५०, २७० र २ सय रुपैयाँ मात्र रहेको छ ।
उक्त सेयर खरिदका लागि बैंकका संस्थापक समूहका सेयरधनीहरुले आवेदन दिन सक्नेछन् । सेयर खरिदका लागि आजैका मितिले ३५ दिनभित्र बैंकको केन्द्रीय कार्यलय बुटवल ११ कालिकानगर, रुपन्देहीमा लिखित जानकारी गराउनुपर्नेछ ।
तोकिएको म्यादभित्र सेयर खरिदका लागि लिखित जानकारी प्राप्त नआएमा प्रचलित कानून बमोजिम अन्य बिक्री प्रक्रिया अगाडि बढाईने बैंकले जनाएको छ ।
वि.सं.२०७८ फागुन १९ बिहीवार १२:०९ मा प्रकाशित
