काठमाडौं । यस साता नेपाल स्टक एक्सचेञ्ज (नेप्से)मा चार वाणिज्य बैंकसहित ६ कम्पनीको बोनस सेयर सूचीकृत भएको छ ।
यस साता नेप्सेमा आधा दर्जन कम्पनीहरुको ७ करोड २९ लाख ३३ हजार ९१५ कित्ता बोनस सेयर सूचीकृत भएको छ ।
यस साता नेप्सेमा प्राइम कमर्सियल बैंक, सिद्धार्थ बैंक, कृषि विकास बैंक, सेञ्चुरी कमर्सियल बैंक, सूर्या लाइफ इन्स्योरेन्स र प्रिमियर इन्स्योरेन्स कम्पनीको बोनस सेयर सूचीकृत भएको हो ।
सिद्धार्थ बैंकको १ करोड ५६ लाख २१ हजार २७६.३६ कित्ता, प्राइम कमर्सियल बैंकको २ करोड ५७ लाख ३२ हजार ८५९.०४ कित्ता र कृषि विकास बैंकको २ करोड १९ लाख ७९ हजार ८५९ .६०४५ कित्ता बोनस सेयर सूचीकृत भएको हो ।
यस्तै, बुधवार नेप्सेमा सूर्या लाइफ इन्स्योरेन्सको १२.७० प्रतिशत बापतको २८ लाख ७३ हजार ८७६ कित्ता बोनस सेयर सूचीकृत भएको हो ।
यस्तै, प्रिमियर इन्स्योरेन्सको १४.२५ प्रतिशत बापतको १५ लाख ३१ हजार २४८ कित्ता बोनस सेयर नेप्सेमा सूचीकृत भएको छ ।
त्यसैगरि आज नेप्सेमा सेञ्चुरी कमर्सियल बैंकको ५.७५ प्रतिशत बापतको ५१ लाख ९४ हजार ७९६ कित्ता बोनस सेयर सूचीकृत भएको छ ।
वि.सं.२०७८ फागुन १९ बिहीवार १७:०२ मा प्रकाशित
